VARNARMÁL
Landher, flugher og floti BNA sjá um varnir fylkisins.  Margar norðuramerískar herstöðvar eru á norðurslóðum vegna þess að stytztu leiðir milli margra höfuðborga heimsins liggja um heimsskautssvæðið.  Í fylkislögunum eru neyðarákvæði, sem taka gildi, ef hernaðarógnun vofir yfir.  Þau kveða á um yfirráð alríkisstjórnar á 674.690 km² í norður- og vesturhlutum fylkisins auk Aleuteyja.

Stjórnstöð hervarna  er í Anchorage.  Alríkisstjórnin lét byggja herflugstöðina í Elmendorf, sem er einn stærsti flugvöllur heims, og Fort Richardson, höfuðstöðvar landhersins.  Eielson herflugvöllurinn og Fort Wainwright landherstöðin eru í grennd við Fairbanks.  Landherinn annast kennslu um og tilraunir með alls konar tæki og tæknibúnað, sem notaður er á heimsskautasvæðum, í tveimur rannsóknarstofum í Fort Greely nærri Delta Junction.  Snemmviðvörunarkerfið, DEW (distant early warning), hefur verið virkt í mörg ár í gegnum gervihnetti og þar að auki radargeisla, sem geta fylgt yfirborði jarðar (Over the Horizon Backscatter Radar).

FRAMLEIÐSLUVÖRUR
Landbúnaður:   Hey, mjólk (+ afurðir), kartöflur, nautgripir.
Iðnaður:       Fiskafurðir (ferskar, frosnar, niðursoðnar og niðurlagðar), prentun og útgáfustarfs.
Námur:        Hráolía, gas, sandur og möl, gull.

MENNTUN og MENNING
Háskólar:    Alaskaháskóli (11 deildir víða um land), Alaska-Kyrrahafs háskólinn í Anchorage,  Sheldon Jackson háskólinn í Sitka.

Bókasöfn:    Ríkisbókasafnið í Juneau, Borgarbókasöfn Anchorage,  Háskólabókasafn Alaska í Fairbanks. 

Aðalsöfn:     Þjóðminjasafnið í Juneau, Sheldon Jackson safnið í Sitka, Lista- og sögusafn  Anchorage, Háskólasafnið í Fairbanks.