|
Alexander Baranov
(1746-1819) var rússneskur skinnakaupmaður. Hann var kaupmaður heima
fyrrum og gerði það gott í Síberíu áður en hann fluttist til Alaska
1790. Þar varð hann forstjóri fyrirtækis, sem varð síðar
Rússnesk-ameríska félagið. Það sá um skinnaverzlunina og stjórnaði
nýlendunni.
E.L.Barlett
(1904-1968) var blaða- og stjórnmálamaður fæddur í Seattle í
Washingtonfylki. Hann ólst upp í Fairbanks í Alaska og var ritstjóri og
blaðamaður fyrir staðarblaðið frá 1924 til 1933. Árið 1939 varð hann
Alaskaráðherra og fimm árum síðar var hann kosinn fulltrúi landsins á
alríkisþingið. Hann beitti áhrifum sínum á þinginu til að Alaska yrði
að fylki og varð öldungur árið 1959. Hann var endurkjörinn 1960 og
1966.
Vitus
Bering
(1681-1741) var siglingafræðingur, fæddur í Horsens í Danmörku. Pétur
mikli Rússakeisari sendi hann í leiðangur 1728 til að athuga, hvort
meginlönd Asíu og Ameríku væru tengd með landbrú. Hann fann sundið, sem
hefur borið nafn hans síðan. Hann fór í síðari leiðangurinn 1741 og
kannaði suðurströnd Alaska og fann Aleuteyjar á bakaleiðinni. Hann dó
eftir að skip hans strandaði við eyjuna, sem ber nafn hans.
Susan
Butcher
(1954-) er hundasleðakappi, fædd í Cambridge, Mass. 26. des. Hún
fluttist til Alaska 1975, þar sem hún ræktar sleðahunda (huskie). Árið
1978 keppti hún með hundunum sínum í fyrsta skipti í Iditarod-keppninni
og varð í 19. saæti. Síðan hefur hún tekið þátt í keppninni næstum
óslitið og tvisvar komið önnur í mark. Árið 1986 vann hún á mettíma og
næsta ár bætti hún metið og 1988 varð hún fyrst til að vinna þessa
keppni þrisvar í röð.
Anthony
Dimond
(1881-1953) var lögmaður frá Palatine Bridge í New Yorkríki. Hann fór í
gullleit til Alaska 1904. Níu árum síðar hóf hann lögfræðistörf og varð
þingmaður í Alaskahéraði. Hann var borgarstjóri í Valdez í níu ár.
Árið 1933 varð hann fulltrúi á alríkisþinginu í Washington og 1945
dómari í Anchorage.
William
Egan
(1914-1984) var stjórnmálaleiðtogi, fæddur í Valdez í Alaska. Hann var
fulltrúi á þingi Alaska-héraðs 1941-45 og 1947-1953. Hann var líka
fulltrúi í öldungadeildinni í eitt kjörtímabil. Árið 1958 var hann
kjörinn fyrsti landstjóri Alaska og endurkjörinn 1962 og 1970.
Walter
Hickel
(1919 -) var kaupsýslumaður og embættismaður, fæddur í Ellinwood í
Kanada. Hann fluttist til Alaska 1940 og stofnaði Hickel
byggingafyrirtækið 1947. Hann var í þjóðarnefnd repúblíkana 1954-1964.
Árið 1966 varð hann fyrsti ríkisstjóri repúblíkana. Þremur árum síðar
varð hann innanríkisráðherra í eitt ár. Hann skrifaði bókina „Hver á
Ameríku” 1971. Hann varð ríkisstjóri aftur 1991 sem óháður.
Bernard
R. Hubbard
(1888 - 1962) var jesúíti, vísindamaður og fyrirlesari, fæddur í San
Francisco í Kaliforníu. Hann fór fyrst til Alaska til að rannsaka jökla
1927 og síðan í tíu slíka leiðangra. Hann kynnti sér líka tungumál og
siði inúíta og kortlagði mörg landsvæði. Hann skrifaði bækurnar „Áfram,
sleðahundar” (1932) og „Vagga vindanna” (1935).
Sheldon Jackson
(1834 - 1909) var trúboði og kennari, fæddur í Minaville í New Yorkríki.
Árin 1859 - 1883 stjórnaði hann trúboði og vígði kirkjur og skóla um
allt land. Hann fór til Alaskahéraðs 1884 og gerði hið sama. Árið
1891flutti hann hreindýr inn til Alaska. Hann var fræðslustjóri
landsins frá 1885 - 1908 og lagði stofnun Alaskahéraðs lið. |
