Háir tindar og óslétt landslag heilla fjallamenn.  Almennir ferðamenn heillast af gríðarmiklum jöklunum og heimsskautssvæðunum.  Þetta fjalllendi teygist frá Aleutfjallagarðinum í miðsuðurhlutanum að Yukonlanda-mærunum í suðurhlutanum.  Það er framhald strandfjöllunum og Klettafjöllunum í Kanada.  Fjalllendið skiptist í fjögur aðalsvæði, sem nokkur fjallaskörð og árdalir greina að.  Alaskafjallgarðurinn myndar mörkin á milli strandar og túndrusvæðanna.

Fjallgarðurinn liggur í geysimiklum og misbreiðum (48-190 km) boga (960 km löngum) við landamæri Kanada.  McKinleyfjall er um miðbikið í Denali þjóðgarðinum.  Nokkrir aðrir tindar í fjallgarðinum, s.s. Hunterfjall, Hayesfjall og Forakerfjall eru hærri en 3900 m.  Stóra olíuleiðslan liggur yfir fjallgarðinn á leið sinni til Valdez í suðri.