Manama er höfuðborg landsins á norðausturströnd Bahrain-eyjar.  Höfnin þróaðist smám saman og borgin varð nútímalegri eftir 1950 vegna olíugróða.  Meðal atvinnuvega er olíuhreinsun, seglbátasmíði (dhow), fiskveiðar og perlurækt, sem var aðaltekjulind borgarinnar fyrrum.

Hraðbraut tengir borgina við Al-Muharraq, þar sem alþjóðaflugvöllurinn er.  Árið 1958 varð Manama að fríverzlunarsvæði.  Bahrainháskóli var stofnaður 1986.  Áætlaður íbúafjöldi árið 1990 var tæplega 140 þúsund.