|
Íbúafjöldinn
var 264.000 árið 1992, sem þýðir rúmlega 19 íbúa á km².
Árið 1970 voru u.þ.b. 170.000 íbúar á eyjunum og árið
1920 53.000. Þessi mikla fjölgun íbúanna er að mestu tilkomin vegna
fjölda flóttamanna frá Haiti, sem erfitt var að stemma stigu við.
Þessi sprenging leiddi til mikilla erfiðleika á vinnumarkaði,
þar sem u.þ.b. helmingur íbúanna er undir 25 ára aldri. Atvinnuleysi nemur u.þ.b. 30%.
Atvinnuleysi meðal ungs fólks er ógnvekjandi. Fleiri en 60% íbúanna starfa við þjónustugreinar, einkum
í ferðaþjónustu, en verulegur fjöldi í fjármálaþjónustu líka.
Ýmsar iðngreinar veita líka atvinnu og húsasmíðar, handiðnaður,
listiðnaður, landbúnaður og fiskveiðar vega líka þungt.
Dreifing íbúanna
fer að mestu eftir atvinnutækifærunum og viðskiptaþróun á hverjum
stað. Rúmlega
60% þeirra búa á New Providence (180.000), en næst koma eyjarnar
Grand Bahama, Eleuthera og Andros.
Lífslíkur
íbúanna árið 1995 voru u.þ.b. 68 ár.
Konur urðu lítið eitt eldri.
Mannfræðileg
skipting.
Upp undir 90% íbúanna
eru þeldökkt fólk, svertingjar og múlattar, sem flestir eru
afkomendur þræla. Þetta
er yfirleitt góðlynt og sæmilega stætt fólk.
Meiri hluti þess byggir afkomu sína á ferðaþjónustu.
Meðal fjölda hátíða, sem það heldur, er „Junkanoo” (í
jólavikunni), sem líkist „Mardi Gras” í New Orleans.
„Goombay” er tónlist, sem er að öllu leyti bahamísk
(geitaskinnstrumbur, hristur eða maracas og sagir, sem er leikið á með
nöglum), með hröðum takti, æsandi og stöðug.
Hvítt fólk, sem er að mestu afkomendur Englendinga og Bandaríkjamanna,
sem settust að á eyjunum, er í meirihluta á örfáum hinna minni
eyja. Kristni er ríkjandi
á Bahamaeyjum. Þar eru rúmlega
20 kirkju- og trúarfélög. Anglikanska og rómversk katólska kirkjan hafa flesta áhangendur
en næst koma baptistar og meþódistar.
Skólakerfið
er að enskri fyrirmynd. Mikil
áherzla er lögð á fagnám. Bahamaeyjar
styrkja háskóla Vestur-Indía.
Réttarkerfið.
Árið 1986 fjallaði dómskerfið
um 32.878 mál: 11.334
umferðarmál; 17.970 glæpamál; 2.178 borgaraleg mál; 1.396 heimilismál.
Skilnaðir voru 516. Lögreglan
taldi 1.665.
Trúarbrögð.
Rúmlega 94% íbúanna
eru kristnir (26% katólskir, 21% í biskupakirkjunni og 48% mótmæl.;
margir baptistar).
Menntun.
Árið 1991 voru 200 skólar
(42 einkaskólar). Fjöldi
nemenda 1988-89. Frí
menntun er veitt á New Providence og Fjölskyldueyjum. Hún greiðir leið til æðri menntastofnana (BGCSE).
Einkaskólar annast menntun á grunnskóla- og menntaskólastigi.
Fjórir
ríkisreknir skólar bjóða menntun á æðra stigi:
Bahamaháskólinn (1974), Háskóli Vestur-Indía (frá 1960), Hótelskólinn
og Iðnfræðslan (grundvallarmenntun.
Nokkrir skólar veita viðskiptamenntun (einkaritarar).
Heilsugæzla.
Tölur frá 1991.
Aðalsjúkrahúsið í Nassau (Princess Margret Hospital með 484
rúm), öldrunardeild í Nassau (456 rúm), aðalsjúkrahúsið í
Freeport (92 rúm). Fjölskyldueyjum
er skipt í 20 heilsugæzlusvæði með 13 heilsugæzlustöðvum og 107
aðalsjúkrahús. Í Nassau
var 1 einkaspítali með 26 rúmum. |
