Villach er í 499 m hæð með 51.000 íbúa og er önnur stærsta borg Kärnten.  Hún er miðpunktur fylkisins, vestan Klagenfurt, í víðum dal árinnar Drau, þar sem Gail fellur í hana.  Mjög fagur fjallahringur Villacher-Alpanna, Karawankenfjallanna og Júlinsku-Alpanna.  Borgin er mikilvæg samgöngumiðstöð og heilsubótarstaður með volgum laugum.  Þarna var herstöð á rómverskum tíma.  Í Villacherölpunum eru vinsæl skíða- og göngusvæði.  Við Faakervatn eru strandböð og aðstaða til vatnaíþrótta.  Við Neu Egg eru enduruppbyggðir bóndabæir frá 15.-18.öld, sem eru nýtízkulega innréttaðir og leigðir út sem sumarhús.