Áin Inn streymir um dalinn frá svissnesku landamærunum í vestri að hinum þýzku við Kufstein í austri, alls u.þ.b. 230 km leið.  Á báða bóga gnæfa Samnaunfjöllin og Ötzdalsalparnir, Lechdals- og Stubaier-Alparnir.  Þessi djúpi dalur var þegar orðinn að mikilvægri samgönguleið fyrir 2000 árum.  Innsbruck, höfuðborg Tíról, byggðist við ármót Inn og Sill.  Imst er lítið og gamalt þorp í 828 m hæð með u.þ.b. 600 íbúa.  Það stendur á hjalla í mynni Gurgdals fyrir ofan ána Inn.  Um það liggur umferðin milli Landeck og Innsbruck.

Stams er þorp í 639 m hæð sunnan Inn.  Þar er stórt og skoðunavert Zisterzienserklaustur (180 herb; breytt í barokstíl um 1700).  Stofandi þess var móðir síðasta Hohenstauferans, Konradin, sem var líflátinn í Napolí 1268.  Klaustrið var stofnað í minningu hans árið 1273.  Kirkjan er frá 13. öld. og henni var breytt í barokstíl á 17. og 18. öld.  Þar liggja tírólsku furstarnir grafnir.

Wörgl er í 511 m hæð með u.þ.b. 8000 íbúa.  Bærinn stendur í Neðri-Inndalnum við ármót Inn og Brixendalslæks.  Hann er mikilvæg samgöngumiðstöð (vegir og járnbrautir) 15 km suðvestan Kufstein.  Þar er geislavirk lind.

St. Johann er í 600 m hæð með u.þ.b. 5000 íbúa.  Vetraríþróttastaður.  Falleg bóndabýli.  Kirkja, helguð uppstigningu Maríu, er skoðunarverð.

Lofer er í 625 m hæð með u.þ.b. 1700 íbúa í Saalachdal (Saltlækjardal).