Graz er í 365 m hæð yfir sjó.  Þessi gamla höfuðborg Steiermark er viðskipta- og verzlunarmiðstöð héraðsins.  Hún er á bökkum árinnar Mur.  Hún streymir fram úr þröngum dal út í Grazlægðina, sem er mjög frjósöm og Schlossberg gnæfir yfir.  Héraðsstjórnin er í Graz.  Þar er og háskóli og fjöldi stofnana auk tónlistarskóla.  Mikilvægur iðnaður.  Fjöldi gamalla bygginga og miðbæjarkjarni með mörgum barokbyggingum gera borgina áhugaverða.
Þegar á 8. öld var þéttbýli farið að myndast eins og fornleifauppgröftur hefur sýnt.  Nafnið Graz kemur fyrst fram árið 1128.  Það er komið af Gradec, sem þýðir „Litli kastalinn”

Graz vann sér sess sem miðstöð verzlunar undir stjórn Traungauera og Babenbergera.  Árið 1233 byrjaði tímabil Habsborgara.  Rudolf I veitti borginni ýmis forréttindi.  Árin 1379-1619 var Graz aðsetur Leopoldigreinar Habsborgarættarinnar.  Borgin var víggirt til varnar þjóðum í austri frá 1500-1700 og var oft umsetin af Tyrkjum.  Ítölsk byggingarlist prýðir borgina.  Árið 1625 var skauthöll Hans Ulrichs von Eggenberg reist.  Á 19. öld varð Graz að menningarmiðstöð.  Árið 1918 lauk veldi Habsborgara.  Árið 1938 varð flatarmál borgarinna það, sem það er enn þá, með innlimun nokkurra sveitarfélaga.  Tjón, sem varð í síðari heimsstyrjöldinni hefur þegar verið bætt.

Páll Pampichler Pálsson fæddist í Graz.