Eisenstadt er fylkishöfuðborgin í Burgenland í 181 m hæð og með 12.000 íbúa.  Hún stendur við suðausturbrún Leithagefjalla.  Þar hafði hinn frægi fursti, Esterházy, aðsetur og setti þann svip á bæinn, sem enn þá sést.  Josef Haydn (1732-1809) var hirðhljómsveitarstjóri þar í rúmlega 30 ár.  Íbúðarhús hans er til sýnis.  Haydn liggur grafinn í kirkjugarði Bergkirche.  Allmikil vínrækt og vínverzlun er stunduð í og umhverfis bæinn.

Eisenstadt er fyrst getið í annálum árið 1118 og í skjölum frá 1264.  Árið 1373 fékk Eisenstadt bæjarréttindi.  Á árabilinu 1445 - 1648 var bærinn veð í eigu Habsborgara.  Árið 1648 varð Eisenstadt að konunglegri ungverskri fríborg og aðsetur Esterházy.  Árið 1921 varð hún aftur austurrísk og höfuðborg Burgenlands árið 1926, minnst allra fylkishöfuðborga landsins.  Bærinn hefur verið biskupssetur síðan 1960.

Mynd:  Grafhýsi Haydn.