Sýrlenzka eyðimörkin er á Arabíuskaga norðanverðum og nær yfir norðurhluta Sádi-Arabíu, Norðaustur-Jórdaníu, Suðaustur-Sýrland og Vestur-Írak.  Flatarmál hennar er í kringum 518 þúsund ferkílómetrar.  Miðsuðurhluti hennar er kallaður al-Hamad en sumir nota þetta nafn um alla eyðimörkina.  Norðurhlutinn liggur að svæði, sem er kallað Frjósami hryggurinn.  Ræktun í eyðimörkinni er ekki möguleg, því að meðalúrkoman er einungis 127 mm á ári, en hirðingjar rækta þar nautgripi og drómedara.  Um eyðimörkina liggja olíuleiðslur frá olíusvæðunum í Sádi-Arabíu og Írak til hafna við Miðjarðarhaf.