Ríkisstjórnir landsins hafa lagt áherzlu á varðveizlu þjóðlegra siða og venja.  Alls eru til u.þ.b. menningarstofnanir af ýmsu tagi í landinu.  Þjóðarbókhlaðan, Þjóðarkórinn, Óperan og Balletleikhúsið eru í Tiranë.  Kunnasti rithöfundur landsins er Ismail Kadare, sem skrifar bæði bundið og óbundið mál, og verk hans hafa verið þýdd á a.m.k. 30 tungumál.

Menningarþróunin hefur strandað á takmörkuðu frelsi einstaklinganna undir hæl kommúnista í rúmlega 40 ár.  Ritskoðun var ströng og listamenn voru heftir í sköpun sinni.  Þessum ósköpum linnti árið 1990.

Helztu dagblöð landsins eru  Zëri I Popullit, aðalmálgagn Sósíalistaflokksins, Rilindja Demokratike, sem Lýðveldisflokkurinn gefur út, og Republika, málgagn Lýðræðisflokksins.  Önnur rit, sem gefin eru út reglulega, eru m.a. Ylli, mánaðarrit um bókmenntir, Studime Politiko-Shoqërore, ársfjórðungsrit menntamanna, Nentori, mánaðarrit, Drita, vikublað sambands rithöfunda- og listamannasambands landsins, Pasqyra, vikurit, sem Alþýðusambandið gefur út og Sindikalisti, sem sjálfstæðu verkalýðsfélögin gefa út.