Kitwe er borg í grennd við Kafue-ána og landamærin að Zaïre.  Hún er meðal stærstu borga landsins og miðstöð koparnáms og iðnaðar (matvæli, plastvörur og fatnaður).  Borgin fær raforku frá orkuverinu við Karibastífluna í Zambezifljótinu sunnan hennar.  Tæknistofnun Zambíu er í borginni.  Koparnám var hafið við stofnun fyrirtækis um námugröftinn árið 1936.  Kitwe óx og dafnaði eftir síðari heimsstyrjöldina og árið 1961 sameinaðist borgin Nkana henni.  Áætlaður íbúafjöldi árið 1990 var rúmlega 338 þúsund.