Kabwe, fyrrum Broken Hill, er höfuðborg Miðhéraðs.  Sínk og blý er unnið úr jörðu í grennd við borgina.  Náman hefur reynzt mannfræðingum happadrjúg, því þar hafa fundizt steinrunnin bein og frumstæð verkfæri khoikhoi- og sanmanna forsögulegs tíma.  Árið 1921 fannst ófullkomin beinagrind frummanns, Ródesíumannsins.  Hann var líkast til uppi áður en Neanderdalsmaðurinn í Evrópu.  Áætlaður íbúafjöldi árið 1988 var rúmlega 200 þúsund.