Lobamba er þéttbýlt svæði í Mið-Swazilandi.  Samkvæmt hefðum Swazimanna er Lobamba setur Ndlovukazi, „Fílakýrinnar” (drottingarmóðurinnar) og er því andlegur höfuðstaður þjóðarinnar.  Auk þess er Lobamba veraldlegur höfuðstaður.  Borgin er í austurhluta Ezulwini-dalsins í Mið-Veld, 18 km sunnan Mbabane, sem er setur stjórnar og dómstóla landsins, nokkurn veginn í landfræðilegri miðju landsins.  Lobamba byggðist upp á svæði konunglegs þorps, sem hét Nkanini.

Í Lobamba eru byggingar þinghússins, opinbert aðsetur konungsins, skrifstofur þjóðarráðsins, þjóðskjalasafnið, þjóðminjasafnið og þjóðarleikvangurinn.  Tvær aðalhátíðir þjóðarinnar, Incwala og Umhlanga (reyrdans), eru haldnar árlega í Lobamba.  Mlilwane-villidýrasvæðið og Minningarður Gilbert Reynolds eru u.þ.b. 10 km norðvestan borgarinnar.  Áætlaður íbúafjöldi 1976 var 5750.