Bláa-Níl í Norðaustur-Afríku er í kringum 1370 km löng.  Upptök hennar eru í 1830 m hæð yfir sjó á svæði Tanavatns í Norðvestur-Eþíópíu.  Hún rennur þaðan til suðurs og síðan vesturs í Eþíópíu og þaðan í norðvestur um Súdan áður en hún sameinast Hvítu-Níl við Khartoum og fær nafnið Níl.  Bláa-Níl leggur Níl til u.þ.b. tvo þriðjunga vatnsmagnsins.  Í Eþíópíu er hún kölluð Abbai og rennur að hluta um djúpt gljúfur.  Áin er stífluð í Súdan vegna rafmagnsframleiðslu og áveitna.