Náttúruleg flóra landsins nær frá sléttunum í Bushveld, Lowveld í Mpumalanga og Norðurhéruðunum til gresjanna með færri trjám í Highveld, runnasvæðanna í Karoo og hins þurra vesturhluta.  Í Vesturhöfða eru sérstæðar plöntur, gras, runnar og tré, sem lifa af löng og þurr sumur, og þar þrífast margar hinna 20 þúsund blómstrandi plantna landsins.  Hitabeltisgróður er algengari á austurströndinni.  Náttúruleg skóglendi eru takmörkuð við dalverpi í fjöllunum meðfram árdalnum mikla og nokkur önnur svæði, s.s. á Knysna-svæðinu á suðurströndinni.

Fjöldi villtra landspendýra er rúmlega 200.  Meðal þeirra eru ljón, hlébarðar, fílar, flóðhestar, nashyrningar, babúnapar og fjöldi antilóputegunda.  Smærri dýr, sléttúlfar, sjakalar o.fl. kattardýr.  Dýrum fækkaði mjög á landnámsárum hvíta mannsins á 18. og 19. öld, þannig að ekki er á vísan að róa nema á verndarsvæðum, s.s. Kruger National Park.  Þar eru u.þ.b. 800 tegundir fugla, fjöldi skriðdýra (rúmlega 100 teg. snáka; fjórðungur eitraður) og geyifjölbreytt skordýralíf.