Onitsha er borg í Anambrafylki við Nígerfljótið í grennd við Enugu.  Pálmaafurðir, maís, hnetur, grænmeti og ávextir eru þar markaðsvörur og olíuvörur, hjólbarðar, kúlulegur og naglar eru framleiddir í verksmiðjum.  Þarna er einnig átöppunarverksmiðja fyrir drykkjarvatn.  Í borginni er kvennakennaraskóli og holdsveikranýlenda.  Leiðtogi Ibomanna, Obi, býr í borginni.  Árið 1966 tengdist Onitsha borginni Asaba með lengstu þjóðvegabrú landsins.  Áætlaður íbúafjöldi 1991 var 328 þúsund.