Ilobu er borg í Osun-fylki í suðvesturhluta Nígeríu.  Hún stendur við þverá Oshunárinnar og þjóðveginn milli Ogbomosho og Oshogbo.  Ilobu er miðstöð verzlunar með kartöflur, maís, cassava, pálmaafurðir, grasker, baunir og okra frá steppunum, sem yorubafólkið byggir að mestu.  Um borgina fer einnig mikið af baðmull, tóbaki og kakói til útflutnings.  Baðmullarvefnaður er hefðbundin iðngrein en Oshogbo 13 km suðaustar er mikilvægasta vefnaðarborg þessa landshluta.  Áætlaður íbúafjöldi 1991 var 176 þúsund.