Enugu er höfuðborg Anambra-fylkis nærri Onitsha í suðausturhluta Nígeríu.  Hún stendur við suðausturrætur Udihæða og byggist m.a. á kolanámi og viðskiptum.  Verksmiðjur borgarinnar framleiða m.a. stál, flísar, leirílát, asbest, sement, olíuvörur, lyf og vélbúnað.  Þarna er einnig Stjórnunar- og tækniskóli (1973).  Borgin var stofnuð 1909 eftir að kolabirgðir uppgötvuðust í jörðu í grennd við iboborgina Enugu Ngwo.  Enugu varð stjórnsýslumiðstöð eftir lagningu járnbrautarinnar til Port Harcourt 1912.  Hún var höfuðborg hins skammlífa ríkis Biafra á árunum 1967-70.  Áætlaður íbúafjöldi 1990 var 272 þúsund.