Bamako Mali,


BAMAKO
MALI

.

.

Utanríkisrnt.

Booking.com

Bamako, höfuðborg Malí, er við Nígerfljót í suðvesturhluta landsins.  Þegar Frakkar lögðu Bamako undir sig árið 1880 undir forystu Joseph-Simon Gallieni, skipstjóra, bjuggu þar nokkur hundruð manns í litlum þorpum.  Bærinn varð höfuðstaður fyrrum nýlendunnar Franska-Súdan árið 1908, fjórum árum eftir að járnbraut var lögð milli Kayes og Bamako sem hluti af brautinni Dakar-Niger (nú Regie des Chemins de Fer du Mali).

Nú stendur borgin beggja vegna Nígerfljóts, sem er skipgengt 360 km suður til Kouroussa í Gíneu frá miðjum júní til miðs desember ár hvert.  Til norðurs var grafinn skipaskurður framhjá Sotuba-flúðunum, þannig að norðurhluti árinnar opnaðist skipaumferð alla leið til Gao (1398 km).  Talsvert er flutt af sementi og olíuvörum niður ána frá Bamako en hrísgrjón og jarðhnetur upp eftir henni til áframflutnings með járnbrautum.  Skammt utan borgarinnar er flugvöllur.

Bamako er lífleg borg með stórum markaði, grasa- og dýragarði, miklum handiðnaði og nokkrum rannsóknarstofnunum.  Þarna eru fjórar æðri menntastofnanir og höfuðstöðvar flestra stærstu iðnfyrirtækja landsins.  Íbúafjöldi Bamako þrefaldaðist á árunum 1960-70, einkum vegna flótta úr sveitum landsins í kjölfar mikilla þurrka.  Mikill fjöldi húsa í borginni er byggður sólþurrkuðum leirsteinum.  Áætlaður íbúafjöldi árið 1980 var tæplega 480 þúsund.

 TIL BAKA     Ferðaheimur - Garðastræti 36 - 101 Reykjavik - info@nat.is - Heimildir            HEIM