Antananarivo, höfuðstaður Madagaskar, er á miðri eyjunni.  Borgin var stofnuð á hárri hæð á 17. öld og var aðalaðsetur hovahöfðingjanna.  Breiðar götur og tröppur liggja upp á klettahrygg (1431m), þar sem konungshöllin stendur með turnum sínum.  Imerinakonungarnir, sem náðu borginni undir sig 1794, byggðu hana og ríktu til loka 19. aldar.  Neðan hallarinnar eru bankar og stjórnsýslubyggingar og enn neðar er viðskiptahverfið.  Meðal opinberra byggingar er bústaður franska landstjórans og rómversk-katólskar dómkirkjur.  Þarna eru einnig rannsóknastöðvar, stjörnuathugunarstöð og Þjóðarbókhlaðan.  .Madagaskarháskóli var stofnaður 1961.  Iðnaðurinn byggist m.a. á vinnslu tóbaks og matvæla og framleiðslu leiðurvöru og fatnaðar.  Flugsamgöngur eru mikilvægar og mikið notaðar og millilandaflugvöllurinn við Ivato er 17 km norðan borgarinnar.  Höfuðborgin er í járnbrautasambandi við hafnarborgina Toamasina í austri, Antsirabe í suðri og Alaotravatn í norðri.  Áætlaður íbúafjöldi árið 1990 var rúmlega 800 þúsund