Flóra og fána.  Í góðum rigningarárum er strandlengja landsins vaxin ýmsum jurtum og grasi.  Mest áberandi er liljutegund (asphodel) og júbúla.  Norðurhluti Akhdar-fjalla, þar sem loftslags Miðjarðarhafsins gætir mest, vex lágvaxinn og þéttur einiskógur.  Mikill fjöldi annarra plöntutegunda vex, þar sem skilyrði leyfa, s.s. margar tegundir grasa.  Sunnan hæstu brúna fjallanna verður gróður æ strjálli.  Mun minni gróður er á Nafusah-sléttunni, helzt milli gróðursnauðra hæða.

Hálfþurrasteppurnar eru strjálvaxnar gróðri.  Þar eru helzt þurrkaþolnar plöntur, Salsola kali, hör, gæsalöpp, ormviður og liljutegundin asphodel.  Gras sprettur á regntímanum og grænmetistegundir vaxa þegar úrkoman er talsvert meiri en í meðalári.  Þótt sáralítið rigni á aðaleyðimerkursvæðunum og gróður sé þar strjáll, teygja sumar plöntutegundir hálfþurrkasvæðanna inn á vatnsfarvegi (wadi) þeirra og döðlupálmar eru ræktaðir í suðurvinjunum.

Meðal villtra dýrategunda eru nagdýr, hérar og jerboa, hýenur, refir, sjakalar, þefdýr, gasellur og villikettir.  Adder og krait eru eitruð skriðdýr, sem lifa í vinjum og við stjál vatnsból.  Þarna fljúga hringdúfur, akurhænur, lævirkjar og sléttuhænsn.  Ernir, haukar og gammar eru algengir fuglar.