Maseru, höfuðstaður Lesótó, er eina borg landsins.  Hún er á vinstri bakka Kaledónár, nærri landamærunum að Fríríkishéraðinu í Suður-Afríku.  Árið 1869 stofnaði sótóhöfðinginn Mshweshwe I borgina í grennd við fjallavirki sitt Thaba Bosiu en aðeins fáar byggingar frá 19. öldinni standa þar enn þá.  Lesótó er tengt suðurafríska járnbrautakerfinu um stutta braut Maseru-Marseilles tengingarinnar á Bloemfontein-KwaZulu-Natal-aðalleiðinni, þannig að hægt er að flytja afurðir landbúnaðarins, aðrar vörur og verkamenn milli staða.  Maseru er einnig í vega- og flugsambandi við aðra landshluta og Jóhannesarborg.  Þinghúsið og Hæstiréttur landsins eru í borginni svo og Ríkisútvarpið, tækni- og landbúnaðarskóli (1955).  Ríkisháskólinn er í Roma, 24 km suðastan Maseru (1975).  Áætlaður íbúafjöldi í Maseru-Roma-Morjia árið 1995 var tæplega 300 þúsund.