Allir
u.þ.b. 40 þjóðflokkar landsins nema nokkur þúsund pygmear tala
bantumál og miðað við þau má skipta landsmönnum gróflega í 10
stórar fylkingar.
Myenefólkið, ásamt Mpongwe og Orungu, sem eru lítið brot af
núverandi þjóð, hefur leikið stórt hlutverk í sögur landsins
vegna búsetu sinnar á norðurströndinni.
Fangfólkið, sem er hluti af stærri heild fwondo- og pahouinfólksins
og býr einnig í Suður-Kamerún og Miðbaugs-Gíneu, er nálægt því
að vera þriðjungur þjóðarinnar.
Það býr noran Ogooué-árinnar.
Stærsti þjóðflokkurinn sunnan árinnar er sirafólkið (þ.m.t.
eshira- og punufólkið), nzebifólkið og mbetefólkið.
Þessir þjóðflokkar mynda saman næstum helming þjóðarinnar.
Fámennari þjóðflokkar eru benga- og sekefólkið í norðvesturhorninu,
kota- og tekefólkið í austurhlutanum og vilifólkið meðfram syðstu
hlutum strandlengjunnar.
Mörg bantumálanna
eru ekki ritmál. Á 19. öldinni
byggðu margir kristniboðar þau upp á latneska starfrófinu og þýddu
biblíuna og spurningakver fyrir fylgjendur sína.
Stefna Frakka að takmarka notkun tungumála innfæddra einungis
til framdráttar kristninnar kom í veg fyrir notkun og kynningu annarra
bókmennta. Vegna mikillar
áherzlu á frönskukennslu talar þriðjungur landsmanna frönsku og rúmlega
þriðjungur hefur vald á ritmálinu.
Kristnir Gabonmenn eru stór meirihlutahópur og rómversk-katólskir
eru í kringum þrefalt fleiri en mótmælendur.
Þótt Gabonmenn fylli stöður biskupa, eru þeir mjög háðir
erlendum kirkjuyfirvöldum, einkum prestum frönsku
Heilagsandskirkjunnar. Innfæddir
prestar þjóna Evangelísku kirkjunni, stærsta trúfélagi mótmælenda,
í öllum norðurhluta landsins. Fleiri
og vaxandi trúfélög eru til í suðvesturhlutanum, árósunum og
allranyrztu landshlutinum. Snemma
á 20. öldinni litu bwiti-trúarbrögðin dagsins ljós.
Þau voru byggð á helgisiðum leynifélags með sama nafni og
urðu til að efla samstöðu meðal meðlima Fangfólksins.
Meirihluti nokkurra þúsunda múslima landsins eru innflytjendur
frá öðrum Afríkuríkjum.
Líkt og í öðrum löndum Mið-Afríku er strjálbýli einkennandi
fyrir Gabon. Allt frá árinu
1970 hefur þéttbýlisstöðum fjölgarð og þeir stækkað og íbúnum
hefur fjölgar hraðar í samanburði við 50 árin þar á undan.
Ekki er vitað með vissu, hve mikil áhrif mikill fjöldi
innflytjenda og farandverkafólks frá öðrum Afríkuríkjum eru í þessari
þróun. Þjóðin er tiltölulega
ung, þar eð u.þ.b. helmingur hennar er yngri en 22 ára.
Lífslíkur kvenna eru 53 ár og karla 50 ár, sem er nálægt meðallagi
álfunnar. |