Dendera Egyptaland,
Flag of Egypt


DENDERA
EGYPTALAND

.

.

Utanríkisrnt.

Booking.com

Rústir fornegypzku borgarinnar Dendera, sem hét Tentyris á grísku og Tentore á koptísku, standa í svipaðri hæð og Kena á vesturbakkanum við bugðu á ánni og sjást víða að.  Dendera telst til merkilegustu, elztu og frægustu borga Egyptalands og var eitt sinn höfuðborg 6. héraðs Efra-Egyptalands.  Dendera var einnig aðalmiðstöð dýrkunar Hathor, gyðju ástar og sælu, sem samsvaraði Afrodite Grikkja.

**Hofið, sem byggt var á fyrstu öld f.Kr. og var helgað Hathor, manni hennar með fálkahöfuðið, Horus frá Edfu, og syni þeirra Ihi (eða Harsomtus), guði tónlistar, er eitthvert beztvarðveitta hof landsins.  Aðalhátíðahöld tengd dýrkun Hathor voru um áramót.  Umhverfis hofið og fleiri byggingar er múr, 10-12 m þykkur, allt að 10 m hár, 290 m langur og 280 m breiður.  Hið mikilfenglega hlið er frá dögum Domitians keisara (1.öld e.Kr.), sem stendur innan þess ásamt keisurunum Nerva og Trajanus.  Framan við hliðið, báðum megin, eru síðrómanskir brunnar.  Annað líkt hlið er á austurhliðinni og hið þriðja, einnig frá keisaratímanum, er enn þá austar, utan hofssvæðisins.

Hofið var byggt undir stjórn síðustu Ptolemeanna og Ágústusar keisara á rústum eldri helgidóma frá dögum 6. höfðingjaættarinnar (gamla ríkið), hinnar 12. og faraóa nýja ríkisins, s.s. Tútamosar, Ramses II og III.  Lágmyndirnar voru gerðar síðar.  Forgarðurinn með súlnagöngunum og súlur við norðurhlið eru ófullgerðar.  Hathoshofið stendur hinum fornu helgidómum í Abydos og Karnak að baki en skipar veglegan sess, m.a. fyrir jafnvægi í hlutföllum bygginganna og veggjaskraut í formi mynda og áletrana, sem jafna má við meistaraverk gamla ríkisins eða frá tíma Tútmosar III og Sethosar I.

Hið fyrsta, sem ber fyrir augu, þegar komið er inn fyrir rómverska hliðið, er hof Ihi, sonar Hathor og Horosar (Egyptar nefna það Mammisi), frá rómverskum tíma, koptísk kirkja frá lokum 5. aldar og minni Ihihof.
Mynd:  Hatorshofið.

 TIL BAKA           Ferðaheimur - Garðastræti 36 - 101 Reykjavik - info@nat.is - Heimildir                  HEIM