Fogoeyja er ein Grænhöfðaeyjanna í Atlantshafi, u.þ.b. 640 km frá ströndum Vestur-Afríku milli eyjanna SãoTiago (Santiago) og Brava.  Flatarmál hennar er 476 km².  Virkt eldfjall hennar, Pico (2829m) er hæsti punktur eyjanna.  Á norður- og vesturhlutum eyjarinnar eru ræktaðar jarðhnetur, baunir, kaffi, glóaldin og tóbak.  Aðalborgin er São Filipe á vesturströndinni.  Áætlaður íbúafjöldi árið 1980 var rúmlega 31 þúsund.