Suðurey er syðst Færeyja og kunn fyrir fallegt landslag, sem ljósmyndarar kunna vel að meta.  Hálftíma akstursvegalengd frá þorpinu Vogi er Skúfanes og Hesturinn á leiðinni til Sumba.  Þaðan er geysifagurt útsýni meðfram þverhníptri strandlengjunni og vegurinn liggur steinsnar frá bjargbrúnunum.  Sandvík er lítið og fallegt þorp við botn grunnrar víkur.  Mjór vegur til vesturstrandarinnar býður upp á fallegt umhverfi og iðandi fuglalíf.  Sunnan þorpsins Hvalba eru kolanámur.  Þorpið Fámjin er á vesturströndinni.  Í þorpskirkjunni er hinn upprunalegi fáni Færeyja, Merkið.  Hann var gerður árið 1919 en ekki opinberlega viðurkenndur fyrr en 1940. Stutt ganga er að Kirkjuvatni, sem býður upp á kyrrð og fegurð.  Skammt vestan bæjanna Vogs og Hvalba, frá Vogseiði og Hvalbiareiði, er fagurt útsýni meðfram þverhníptum björgum vesturstrandarinnar.

Fiskvinnsla er á Þvereyri, í Vogi og Hvalba.  Stangveiðimenn geta veitt í litlum vötnum og með ströndum fram.  Óþjálfuðu fólki er ráðið frá fjallgöngum vegna þess, hver fjöllin eru brött og stórsteinótt.  Eyjan er vel fallin til rútuferða. Akraberg er syðsti oddi Færeyja.  Þar er viti. Hesturinn og Skúfanes bjóða upp á stórkostlegt útsýni. Ryskidalur, norðvestan Vogs, býður upp á fallegt stöðuvatn og umhverfi. Öravík Fámjin:  Dásamlegt útsýni frá Öraskarði. Vogseiði er vestan Vogs. Hvalbiareiði er vestan Hvalba:  Fagurt umhverfi og rústir gamalla verbúða.